Or feyne thing, or fynde words newe. He may nat spare, al-thogh he were his brother;
He moot as wel seye o word as another. Crist spak him-self ful brode in holy writ, And wel ye woot, no vileinye is it. Eek Plato seith, who-so that can him rede, The wordes mote be cosin to the dede. Also I prey yow to foryeve it me, Al have I nat set folk in hir degree Here in this tale, as that they sholde stonde; My wit is short, ye may wel understonde. 746 Greet chere made our hoste us everichon, And to the soper sette he us anon; And served us with vitaille at the beste. Strong was the wyn, and wel to drinke us leste.
A semely man our hoste was with-alle For to han been a marshal in an halle; A large man he was with eyen stepe, A fairer burgeys was ther noon in Chepe: Bold of his speche, and wys, and wel y-taught,
And of manhood him lakkede right naught. Eek thereto he was right a mery man, And after soper pleyen he bigan,
And spak of mirthe amonges othere thinges, Whan that we hadde maad our rekeninges; And seyde thus: Now, lordinges, trewely Ye ben to me right welcome hertely: For by my trouthe, if that I shal nat lye, I ne saugh this yeer so mery a compaignye At ones in this herberwe as is now. Fayn wolde I doon yow mirthe, wiste I how. And of a mirthe I am right now bithoght, To doon yow ese, and it shal coste noght.
Ye goon to Caunterbury; God yow spede, The blisful martir quyte yow your mede. 770 And wel I woot, as ye goon by the weye, Ye shapen yow to talen and to pleye; For trewely, confort ne mirthe is noon To ryde by the weye doumb as a stoon; And therfore wol I maken yow disport, 775 As I seyde erst, and doon yow som confort. And if yow lyketh alle, by oon assent, Now for to stonden at my Iugement, And for to werken as I shal yow seye, To-morwe, whan ye ryden by the weye, 780 Now, by my fader soule, that is deed, But ye be merye, I wol yeve yow myn heed. Hold up your hond, withoute more speche.' Our counseil was nat longe for to seche; Us thought it was noght worth to make it wys,
And graunted him with-outen more avys, And bad him seye his verdit, as him leste. 'Lordinges,' quod he, 'now herkneth for the beste;
But tak it not, I prey yow, in desdeyn; This is the poynt, to speken short and pleyn, That ech of yow, to shorte with our weye, 791 In this viage, shal telle tales tweye, To Caunterbury-ward, I mene it so, And hom-ward he shal tellen othere two, Of aventures that whylom han bifalle. And which of yow that bereth him best of alle,
That is to seyn, that telleth in this cas Tales of best sentence and most solas, Shal han a soper at our aller cost
Here in this place, sitting by this post, 800 Whan that we come agayn fro Caunterbury. And for to make yow the more mery, I wol my-selven gladly with yow ryde, Right at myn owne cost, and be your gyde. And who-so wol my Iugement withseye 805 Shal paye al that we spenden by the weye. And if ye vouche-sauf that it be so, Tel me anon, with-outen wordes mo, And I wol erly shape me therfore.'
This thing was graunted, and our othes
With ful glad herte, and preyden him also That he wold vouche-sauf for to do so, And that he wolde been our governour, And of our tales Iuge and reportour, And sette a soper at a certeyn prys; And we wold reulèd been at his devys, In heigh and lowe; and thus, by oon assent, We been acorded to his Iugement. And ther-up-on the wyn was fet anoon; We dronken, and to reste wente echoon, 820 With-outen any lenger taryinge. A-morwe, whan that day bigan to springe, Up roos our host, and was our aller cok, And gadrede us togidre, alle in a flok, And forth we riden, a litel more than pas, Un-to the watering of seint Thomas. And there our host bigan his hors areste, And seyde; 'Lordinges, herkneth if yow leste.
Ye woot your forward, and I it yow recorde. 830 If even-song and morwe-song acorde, Lat se now who shal telle the firste tale. As evere mote I drinke wyn or ale, Who-so be rebel to my Iugement Shal paye for al that by the weye is spent. Now draweth cut, er that we ferrer twinne; He which that hath the shortest shal be- ginne.'
'Sire knight,' quod he, 'my maister and my lord, 837 Now draweth cut, for that is myn acord. Cometh neer,' quod he, 'my lady prioresse; And ye, sir clerk, lat be your shamfastnesse, Ne studieth noght; ley hond to, every man,'
A povre widwe somdel stope in age, Was whylom dwelling in a narwe cotage, Bisyde a grove, stondyng in a dale. This widwe, of which I telle yow my tale, Sin thilke day that she was last a wyf, In pacience ladde a ful simple lyf, For litel was hir catel and hir rente; By housbondrye, of such as God hir sente, She fond hir-self, and eek hir doghtren two. Three large sowes hadde she, and namo, Three kyn, and eek a sheep that highte Malle. Ful sooty was hir bour, and eek hir halle, In which she eet ful many a sclendre meel. Of poynaunt sauce hir neded never a deel. No deyntee morsel passed thrugh hir throte; Hir dyete was accordant to hir cote. Repleccioun ne made hir nevere syk; Attempree dyete was al hir phisyk, And exercyse, and hertes suffisaunce. The goute lette hir no-thing for to daunce, 20 Ne poplexye shente nat hir heed;
His comb was redder than the fyn coral, And batailed, as it were a castel-wal. His bile was blak, and as the Ieet it shoon; Lyk asur were his legges, and his toon; His nayles whytter than the lilie flour, And lyk the burnèd gold was his colour. This gentil cok hadde in his governaunce 45 Sevene hennes, for to doon al his pleasaunce, Whiche were his sustres and his paramours, And wonder lyk to him, as of colours. Of whiche the faireste hewèd on hir throte Was clepèd faire damoysele Pertelote. Curteys she was, discreet, and debonaire, And compaignable, and bar hir-self so faire, Sin thilke day that she was seven night old, That trewely she hath the herte in hold Of Chauntecleer loken in every lith; He loved hir so, that wel him was therwith. But such a Loye was it to here hem singe, Whan that the brighte sonne gan to springe, In swete accord, 'my lief is faren in londe.' For thilke tyme, as I have understonde, 60 Bestes and briddes coude speke and singe. And so bifel, that in a dawenynge,
She was agast, and seyde, 'O herte deere, What eyleth yow, to grone in this manere? Ye ben a verray sleper, fy for shame!' And he answerde and seyde thus, Madame, pray yow, that ye take it nat agrief: By God, me mette I was in swich meschief Right now, that yet myn herte is sore afright. Now God,' quod he, 'my swevene rede aright,
And keep my body out of foul prisoun! Me mette, how that I romèd up and doun Withinne our yerde, wher as I saugh a beste, Was lyk an hound, and wolde han maad
Upon my body, and wolde han had me deed. His colour was bitwixe yelwe and reed; And tippèd was his tail, and bothe his eres With blak, unlyk the remenant of his heres; His snowte sinal, with glowinge eyen tweye. Yet of his look for fere almost I deye;
This caused me my groning, douteles.' 'Avoy!' quod she, 'fy on yow, herteles! Allas!' quod she, for, by that God above, Now han ye lost myn herte and al my love; I can nat love a coward, by my feith. For certes, what so any womman seith, We alle desyren, if it mighte be,
To han housbondes hardy, wyse, and free, And secree, and no nigard, ne no fool, Ne him that is agast of every tool, Ne noon avauntour, by that God above! How dorste ye sayn for shame unto youre love,
That any thing mighte make yow aferd? Have ye no mannes herte, and han a berd? Allas! and conne ye been agast of swevenis? No-thing, God wot, but vanitee, in sweven is. Swevenes engendren of replecciouns, 103 And ofte of fume, and of complecciouns, Whan humours been to habundant in a wight.
Certes this dreem, which ye han met tonight,
Cometh of the grete superfluitee
Of youre rede colera, pardee,
Which causeth folk to dremen in here
Of grete bestes, that they wol hem byte, Of contek, and of whelpes grete and lyte ; Right as the humour of malencolye Causeth ful many a man, in sleep, to crye, For fere of blake beres, or boles blake, 115 Or elles, blake develes wole him take. Of othere humours coude I telle also, That werken many a man in sleep ful wo; But I wol passe as lightly as I can.
Lo Catoun, which that was so wys a man, Seyde he nat thus, ne do no fors of dremes? Now, sire,' quod she, 'whan we flee fro the bemes,
For Goddes love, as tak som laxatyf; Up peril of my soule, and of my lyf,
I counseille yow the beste, I wol nat lye, 125 That both of colere, and of malencolye Ye purge yow; and for ye shul nat tarie, Though in this toun is noon apotecarie,
I shal my-self to herbes techen yow,
That shul ben for your hele, and for your prow;
And in our yerd tho herbes shal I fynde, The whiche han of here propretee, by kynde, To purgen yow binethe, and eek above. Forget not this, for Goddes owene love! Ye been ful colerik of compleccioun. Ware the sonne in his ascencioun
Ne fynde yow nat repleet of humours hote; And if it do, I dar wel leye a grote,
As wel of Ioye as tribulaciouns That folk enduren in this lyf present. Ther nedeth make of this noon argument; The verray preve sheweth it in dede. Oon of the gretteste auctours that men rede Seith thus, that whylom two felawes wente On pilgrimage, in a ful good entente; And happèd so, they come into a toun, Wher as ther was swich congregacioun Of peple, and eek so streit of herbergage, That they ne founde as muche as o cotage, In which they bothe mighte y-loggèd be. 171 Wher for thay mosten, of necessitee, As for that night, departen compaignye; And ech of hem goth to his hostelrye, And took his logging as it wolde falle. That oon of hem was logged in a stalle, Fer in a yerd, with oxen of the plough; That other man was loggèd wel y-nough, As was his aventure, or his fortune, That us governeth alle as in commune. And so bifel, that, long er it were day, This man mette in his bed, ther as he lay, How that his felawe gan up-on him calle, And seyde, "Allas! for in an oxes stalle This night I shal be mordrèd ther I lye. 185 Now help me, dere brother, or I dye; In alle haste com to me," he sayde. This man out of his sleep for fere abrayde; But whan that he was waknèd of his sleep, He turned him, and took of this no keep; Him thought his dreem nas but a vanitee. Thus twyes in his sleping dremèd he. And atte thridde tyme yet his felawe
My gold caused my mordre, sooth to sayn; And tolde him every poynt how he was slayn, With a ful pitous face, pale of hewe. And truste wel, his dreem he fond ful trewe; For on the morwe, as sone as it was day, 205 To his felawes in he took the way; And whan that he cam to this oxes stalle, After his felawe he bigan to calle. The hostiler answerde him anon, And seyde, "Sire, your felawe is agon, As sone as day he wente out of the toun." This man gan fallen in suspecioun, Remembring on his dremes that he mette, And forth he goth, no lenger wolde he lette, Unto the west gate of the toun, and fond A dong-carte, as it were to donge lond, 216 That was arrayèd in that same wyse As ye han herd the dede man devyse; And with an hardy herte he gan to crye Vengeaunce and Iustice of this felonye: "My felawe mordrèd is this same night, 221 And in this carte he lyth gapinge upright. I crye out on the ministres," quod he, "That sholden kepe and reulen this citee; Harrow! allas! her lyth my felawe slayn! What sholde I more un-to this tale sayn? 226 The peple out-sterte, and caste the cart to grounde,
And in the middel of the dong they founde The dede man, that mordrèd was al newe. 'O blisful God, that art so Iust and trewe! Lo, how that thou biwreyest mordre alway! Mordre wol out, that se we day by day. Mordre is so wlatsom and abhominable To God, that is so Iust and resonable, That he ne wol nat suffre it helèd be; 235 Though it abyde a yeer, or two, or three, Mordre wol out, this my conclusioun. And right anoon, ministres of that toun Han hent the carter, and so sore him pynèd, And eek the hostiler so sore engynèd, That thay biknewe hir wikkednesse anoon, And were an-hangèd by the nekke-boon. 'Here may men seen that dremes been to drede.
And certes, in the same book I rede, Right in the nexte chapitre after this, (I gabbe nat, so have I Ioye or blis,) Two men that wolde han passed over see, For certeyn cause, in-to a fer contree,
I sette not a straw by thy dreminges, For swevenes been but vanitees and Iapes. Men dreme al-day of owles or of apes, And eek of many a mase therwithal; Men dreme of thing that nevere was ne shal. But sith I see that thou wolt heer abyde, 275 And thus for-sleuthen wilfully thy tyde, God wot it reweth me; and have good day." And thus he took his leve, and wente his way. But er that he hadde halfe his cours y-seylèd, Noot I nat why, ne what mischaunce it eyled,
But casuelly the shippes botme rente, And ship and man under the water wente In sighte of othere shippes it byside, That with hem seylèd at the same tyde. And therfor, faire Pertelote so dere, By swiche ensamples olde maistow lere, That no man sholde been to recchelees Of dremes, for I sey thee, doutelees, That many a dreem ful sore is for to drede. 'Lo, in the lyf of seint Kenelm, I rede, 290 That was Kenulphus sone, the noble king Of Mercenrike, how Kenelm mette a thing: A lyte er he was mordrèd, on a day, His mordre in his avisioun he say. His norice him expounèd every del His swevene, and bad him for to kepe him
For traisoun; but he nas but seven yeer old, And therefore litel tale hath he told
Of any dreem, so holy was his herte.
By God, I hadde levere than my sherte 300 That ye had rad his legende, as have I. Dame Pertelote, I sey yow trewely, Macrobeus, that writ the avisioun In Affrike of the worthy Cipioun, Affermeth dremes, and seith that they been Warning of thinges that men after seen. 306 And forther-more, I pray yow loketh wel In the olde testament, of Daniel, If he held dremes any vanitee.
Reed eek of Ioseph, and ther shul ye see 310 Wher dremes ben somtyme (I sey nat alle) Warning of thinges that shul after falle. Loke of Egipt the king, daun Pharao, His bakere and his boteler also, Wher they ne felte noon effect in dremes. Who so wol seken actes of sondry remes, 316 May rede of dremes many a wonder thing.
'Lo Cresus, which that was of Lyde king, Mette he nat that he sat upon a tree, Which signified he sholde anhangèd be? 320 Lo heer Andromacha, Ectores wyf, That day that Ector sholde lese his lyf, She dremèd on the same night biforn, How that the lyf of Ector sholde be lorn, If thilke day he wente in-to bataille; She warned him, but it mighte nat availle; He wente for to fighte natheles, But he was slayn anoon of Achilles. But thilke tale is al to long to telle,
He loketh as it were a grim leoun; And on his toos he rometh up and doun, 360 Him deynèd not to sette his foot to grounde. He chukketh, whan he hath a corn y-founde, And to him rennen thanne his wyves alle. Thus roial, as a prince is in his halle, Leve I this Chauntecleer in his pasture; 365 And after wol I telle his aventure.
Whan that the month in which the world bigan,
That highte March, whan God first makèd man,
Was complet, and y-passèd were also, Sin March bigan, thritty dayes and two, 370 Bifel that Chauntecleer, in al his pryde, His seven wyves walking by his syde, Caste up his eyen to the brighte sonne, That in the signe of Taurus hadde y-ronne Twenty degrees and oon, and somwhat
And see the fresshe floures how they springe;
Ful is myn hert of revel and solas.' But sodeinly him fil a sorweful cas;
For evere the latter ende of Ioye is wo. 385 Got woot that worldly Ioye is sone ago; And if a rethor coude faire endyte, He in a chronique saufly mighte it write, As for a sovereyn notabilitee.
Now every wys man, lat him herkne me; 390 This storie is al-so trewe, I undertake, As is the book of Launcelot de Lake, That wommen holde in ful gret reverence. Now wol I torne agayn to my sentence. A col-fox, ful of sly iniquitee, That in the grove hadde wonèd yeres three, By heigh imaginacioun forn-cast, The same night thurgh-out the hegges brast Into the yerd, ther Chauntecleer the faire Was wont, and eek his wyves, to repaire; 400 And in a bed of wortes stille he lay, Til it was passèd undern of the day, Wayting his tyme on Chauntecleer to falle As gladly doon thise homicydes alle, That in awayt liggen to mordre men. O false mordrer, lurking in thy den! O newe Scariot, newe Genilon! False dissimilour, O Greek Sinon, That broghtest Troye al outrely to sorwe! O Chauntecleer, acursèd be that morwe, 410
« AnkstesnisTęsti » |